D3 - e schlechte Krimi z Bretzwil

Am 10.3. simmr zu 8. und s erste Mol mit dr Livia an eusere Site uf Bretzwil. Vo de letze Johr simmr prägt vo dene Gegner:inne, und dorum gspannt gsi, was eus wird erwarte. Mit ere klare Ahsag füre 1. Satz simmr Vollgas und mit Selbstbewusstsi gstartet und hei hochus gunne. Im 2. Satz denn leider s pure Gegeteil und e grosses Downgrade. D Gegner:inne hei ufdreiht und e komplett neui Site vo sich zeigt- plötzlich simmr vo 0 uf 100 richtig gforderet worde und vor allem bi de Ahnahme zimmli am schwimme gsi. Ab dem Zitpunkt ischs kei Spaziergang meh gsi und es isch zum Schluss sogar zume 5-Sätzer worde. Dr Endsatz isch vo Ahfang ah sehr usgliche gsi und beidi Mannschafte hei nomol um jede Ball kämpft, leider ohni Erfolg für eus. Dr TV Bretzwil entscheidet s Spiel mit 15:13 für sich. 

Am Samstig wartet scho s nächste Spiel-> dört hole mir de Sieg:) 

Matchtelegramm:

TV Bretzwil - VBC Gelterkinden 3:2 (8:25, 25:17, 19:25, 25:10, 15:13) 

Baumgartenstrasse, 4207 Bretzwil

Zuschauer:inne: dr Turnverein Bretzwil (ca. 10) 

Schiri: Christina Faye

Gelterkinden: Emma, Daria, Zoé, Rahel, Sheelah, Elyn, Corinne, Noëmi; Livia (C)